Eich Gwasanaeth Asesu'r Cof Lleol

Pwy mae gwasanaethau Asesu’r Cof yn eu cefnogi?

Mae Gwasanaeth Asesu’r Cof (MAS) yn cefnogi pobl a allai fod yn dioddef problemau â’r cof neu newidiadau o ran eu gallu i weithredu yn eu gweithgareddau bywyd bob dydd ar lefel y bydden nhw fel rheol yn disgwyl eu gwneud.

Rhoddir ystyriaeth i bobl o bob oedran ac mae’r gwasanaeth yn cynnig asesiad amlddisgyblaeth o’r cof. Gellir cwblhau hwn i ddechrau mewn apwyntiad clinig neu, os yw’n briodol, gellir ei gynnig yng nghartref y claf.

Oriau agor

Mae Gwasanaeth Asesu’r Cof yn gweithredu oriau craidd rhwng 09:00 a 17:00 o ddydd Llun i ddydd Gwener.

Sut i gael mynediad i’r gwasanaeth

I gael mynediad i’r gwasanaethau hyn, cysylltwch â’ch Meddyg Teulu. Bydd yn eich atgyfeirio i’r gwasanaeth.

Beth i’w ddisgwyl

Mae’r timau MAS yn darparu asesiadau cyfannol sy’n effeithiol o ran darparu’r deilliannau gorau i’r sawl sy’n cael ei asesu, yn gwneud diagnosis ac yn rhoi triniaeth lle bo’n briodol. Mae cymorth ôl-ddiagnostig ar gael yn dilyn diagnosis o dementia.

Rhaid rhoi sylw i bryderon iechyd corfforol cyn mynychu’r gwasanaeth a bydd y Meddyg Teulu’n cwblhau hyn cyn atgyfeirio.

Bydd ymweliad dilynol ar gyfer asesiad parhaus yn cael ei drefnu os bydd angen. 

Ein Timau