Brechlyn Ffliw

12 Medi 2025

Ymgyrch frechu'r ffliw 2025/26

Bydd ymgyrch brechu ffliw 2025-26 yn rhedeg ym Mhowys o 1^af Hydref 2025 tan 31^ain Mawrth 2026.

Mae'r ymgyrch ar gyfer menywod beichiog, plant 2–3 oed a phlant oedran ysgol yn dechrau ym mis Medi 2025.

Y llynedd yng Nghymru, cafodd bron i filiwn o bobl eu brechlyn ffliw. Mae hynny tua un o bob tri pherson. 

Yn ddelfrydol, dylid rhoi'r brechlyn ffliw cyn i'r ffliw ddechrau lledaenu yn y gymuned. Fodd bynnag, gellir dal ei roi yn hwyrach.

Mae'n bwysig iawn cael eich brechlyn ffliw bob blwyddyn os ydych chi'n gymwys. Mae'n un o'r ffyrdd gorau o amddiffyn rhag ffliw.

• Bydd meddygfeydd teulu yn cysylltu â phob person cymwys ym Mhowys i gynnig y brechlyn ffliw.
• Bydd plant oedran ysgol sy'n mynychu'r ysgol yn derbyn chwistrell trwynol ffliw gan nyrs ysgol. Os nad yw eich plentyn yn mynychu'r ysgol, gwnewch apwyntiad yn eich meddygfa.
• Gallwch hefyd gael brechiad ffliw yn eich fferyllfa gymunedol leol.

Cymhwysedd ar gyfer y brechlyn

Os bydd unrhyw un o'r canlynol yn berthnasol i chi, hyd yn oed os ydych chi'n teimlo'n iach, rydych chi'n fwy tebygol o gael cymhlethdodau o ganlyniad i’r ffliw os byddwch chi'n ei ddal. Yn yr achos hwn, rydym yn eich cynghori i gael brechlyn y ffliw os ydych yn bodloni un o’r canlynol: 

• Rydych chi'n feichiog (ar gael o 1^af Medi)
• Rydych chi’n 65 oed neu'n hŷn Rydych chi rhwng chwe mis a 64 oed ac mae gennych chi gyflwr iechyd hirdymor sy'n eich rhoi mewn mwy o berygl o gael y ffliw, gan gynnwys ond heb fod yn gyfyngedig i:
  • Diabetes
  • Problemau gyda’r galon
  • Cwyn am y frest neu anawsterau anadlu, gan gynnwys clefyd rhwystrol cronig yr ysgyfaint (COPD) ac asthma sy'n gofyn am anadlyddion neu dabledi steroid rheolaidd
  • Clefyd yr arennau (o gam 3)
  • System imiwnedd wan oherwydd clefyd neu driniaeth (a chysylltiadau agos â phobl yn y grŵp hwn hefyd)
  • Clefyd yr afu
  • Wedi cael strôc neu strôc fach
  • Cyflwr niwrolegol fel clefyd Parkinson, neu glefyd niwronau modur
  • Dueg ar goll neu broblem gyda hi
  • Anabledd dysgu
  • Salwch meddwl difrifol
  • Afiachus o ordew (gordewdra dosbarth III). Diffinnir hyn fel y rhai sydd â Mynegai Màs y Corff (BMI) o 40 neu uwch, yn 16 oed neu'n hŷn.
  • Epilepsi
• Rydych chi’n byw mewn cartref gofal
• Rydych chi’n ddigartref
• Rydych chi'n weithiwr dofednod sydd mewn perygl uchel (ar gael mewn fferyllfeydd yn unig)

Rydym yn cynghori’r grwpiau canlynol hefyd i gael brechlyn ffliw er mwyn eu diogelu eu hun a'r bobl o'u cwmpas:

• Plant dwy a thair oed (oedran ar 31 Awst 2024) (ar gael o 1af Medi)
• Plant a phobl ifanc yn yr ysgol o'r dosbarth Derbyn i Flwyddyn 11 (ar gael o 1af Medi)
• Gofalwyr
• Pobl sy'n gweithio'n uniongyrchol gyda chleifion/cleientiaid ym maes iechyd neu ofal cymdeithasol
• Ymatebwyr cyntaf ac aelodau o sefydliadau gwirfoddol sy'n darparu cymorth cyntaf brys wedi'i gynllunio
• Pobl sy'n byw gyda rhywun sydd â system imiwnedd wan

Os hoffech aildrefnu neu ganslo eich apwyntiad, ffoniwch y feddygfa neu'r fferyllfa leol lle mae disgwyl i chi gael eich brechlyn ffliw.

Am ragor o wybodaeth