Gwasanaeth Aros yn Iach

Os ydych chi neu rywun rydych chi'n ei adnabod ar restr aros am driniaeth, efallai y bydd angen cefnogaeth arnoch chi tra byddwch chi'n aros.

Mae Gwasanaeth Aros yn Iach Bwrdd Iechyd Addysgu Powys yn dîm bach, ymroddedig o staff sy'n canolbwyntio ar eich cefnogi chi neu rywun rydych chi'n ei adnabod wrth aros am apwyntiadau neu driniaethau. Rydyn ni hefyd am eich helpu chi wneud y gorau o'ch iechyd a'ch lles wrth aros am eich triniaeth.

Gall paratoi ar gyfer triniaeth yn effeithiol a dysgu sut i reoli eich symptomau wneud gwahaniaeth sylweddol i ganlyniad eich triniaeth a'ch adferiad.

Os ydych chi'n glaf ar restr aros am driniaeth, neu'n adnabod rhywun sydd angen cefnogaeth tra byddant yn aros, gall y Gwasanaeth Aros yn Iach helpu. Mae’r tîm yn cynnig:

Un pwynt cyswllt i roi cymorth a chyngor ar reoli eich iechyd, gan eich cyfeirio at wasanaethau priodol.
Cyfle i sicrhau bod y wybodaeth sydd gennym ar eich cyfer yn gywir ac yn gyfredol. Mae'n bwysig iawn bod gennym y wybodaeth gywir er mwyn gallu cysylltu â chi.
Cyfle i drafod beth sy'n bwysig a'ch cyfeirio at wasanaethau iechyd a gofal cymdeithasol eraill, gan gynnwys gwasanaethau cymunedol a gwasanaethau yn y trydydd sector.
Adolygiad o'ch sefyllfa tra byddwch ar y rhestr aros, i weld a oes unrhyw gymorth ychwanegol a allai helpu gwella ansawdd eich bywyd a'ch annibyniaeth, yn ogystal â'ch cefnogi i gadw rheolaeth dros eich cyflwr tra byddwch yn aros.
Tawelwch meddwl a chyngor ar yr hyn y gallwch ei wneud os bydd eich symptomau'n gwaethygu.

Gallwch gysylltu â WWS yn uniongyrchol dros y ffôn neu drwy e-bost. Mae ein swyddfa ar agor o ddydd Llun i ddydd Gwener rhwng 9.00am a 5.00pm (ac eithrio gwyliau banc). Y tu allan i'r oriau hyn, gadewch neges a bydd aelod o'r tîm yn eich ffonio yn ôl yn ystod oriau swyddfa.

Ffôn: 01597 457016

E-bost: WaitingWellPowys@wales.nhs.uk