Iechyd yr Ysgyfaint a Sgrinio'r Ysgyfaint wedi'i Drefnu ar gyfer Cymru
Cymorth i roi'r gorau i ysmygu nawr
Os ydych chi eisiau rhoi'r gorau i ysmygu nawr, cliciwch y ddolen hon i Helpu Fi i Stopio neu gallwch ffonio 0800 085 2219 am gymorth.
Os oes gennych unrhyw un o'r symptomau hyn, dylech ddweud wrth eich meddyg (meddyg teulu) ar unwaith.
Gall y symptomau hyn olygu bod problem gyda'ch ysgyfaint neu'ch calon, felly mae'n bwysig cael archwiliad.
- Peswch nad yw'n diflannu am 3 wythnos neu fwy
- Pesychu gwaed
- Yn brin o anadl yn gwneud pethau a oedd unwaith yn teimlo'n hawdd
- Colli pwysau’n anfwriadol
Mae Sgrinio’r Ysgyfaint wedi'i gynllunio i ddechrau yng Nghymru yn 2028
Beth yw sgrinio'r ysgyfaint?
Mae sgrinio’r ysgyfaint yn archwiliad iechyd ar gyfer eich ysgyfaint. Mae'n chwilio am ganser yr ysgyfaint cyn i chi deimlo'n sâl.
Mae Iechyd Cyhoeddus Cymru yn bwriadu dod â'r sgrinio hwn i bobl sy'n byw yng Nghymru.
Bydd pobl gymwys yn cael eu gwahodd i gael galwad ffôn gyda rhai cwestiynau am eu hiechyd. Yn dilyn yr alwad ffôn, cynigir sgan o'u brest iddynt os oes angen.
Pwy fydd yn cael ei wahodd?
- Pobl 55-74 oed, sy'n ysmygu nawr neu wedi ysmygu yn y gorffennol.
- Ni fydd pobl nad ydynt erioed wedi ysmygu yn cael eu gwahodd.
- Nid oes rhaid i chi gymryd rhan yn y sgrinio os nad ydych chi eisiau.
Pryd fydd yn dechrau?
Mae Sgrinio’r Ysgyfaint wedi'i gynllunio i ddechrau yng Nghymru yn 2028.
Ar y dechrau, dim ond rhai pobl fydd yn cael eu gwahodd. Dros y chwe blynedd nesaf, bydd mwy o bobl yn cael eu gwahodd nes bod pawb sy'n gymwys wedi'u cynnwys.