Yn yr ymgynghoriad cyntaf byddwch yn cwrdd ag un o'r gweithwyr iechyd proffesiynol cymwys yn y tîm i drafod eich sefyllfa benodol.
Fel arfer, cyfarfod fideo ar-lein fydd hwn, ond os yw'n well gennych gyfarfod wyneb yn wyneb, gellir trefnu hyn. Os ydych chi'n poeni ynghylch a all eich offer ymdopi â chyfarfodydd ar-lein neu os hoffech chi drefnu treial, yna gall un o'n hwyluswyr digidol eich helpu.
Yn ystod yr ymgynghoriad byddwn yn trafod y manylion sydd wedi'u cynnwys yn eich llythyr atgyfeirio, yn adolygu'r ffurflen Gwybodaeth Amdanoch Chi rydych chi wedi'i chwblhau, yn trafod yr opsiynau sydd ar gael i chi ac yn cytuno ar gynllun ar gyfer y ffordd ymlaen.
Mae'r ymgynghoriad hefyd yn rhoi cyfle i chi ofyn unrhyw gwestiynau sydd gennych, felly efallai yr hoffech chi ysgrifennu'r rhain i lawr cyn yr apwyntiad fel nad ydyn nhw'n cael eu hanghofio.
Ar ddiwedd yr ymgynghoriad, byddwn yn ysgrifennu at y person a'ch cyfeiriodd gan roi crynodeb byr o'r drafodaeth a chofnodi'r cynllun y cytunwyd arno. Byddwn yn anfon copi o'r llythyr hwn atoch.