Gofal Dros Nos

Mae Bwrdd Iechyd Addysgu Powys yn darparu gofal dros nos mewn wardiau cleifion mewnol ysbytai cymunedol, unedau parod i fynd adref, unedau adsefydlu cleifion mewnol, unedau ailalluogi a wardiau cleifion mewnol iechyd meddwl.

O’r 2 Rhagfyr 2024, bydd BIAP yn darparu gofal dros nos i oedolion mewn pedwar lleoliad:

Mae ein Hunedau Barod i Fynd Adref yn cefnogi pobl sy'n ddigon da i fynd adref ond nad ydynt yn gallu gwneud hynny eto. Mae’r rhain wedi’u lleoli ym Mronllys a Llanidloes.
Mae ein Hunedau Ailalluogi yn darparu cymorth i bobl sy'n barod i adael Ysbyty Cyffredinol Dosbarth ond sydd angen ychydig o gymorth ychwanegol cyn eu bod yn barod i fynd adref. Mae’r rhain wedi’u lleoli yn Llanfair-ym-Muallt a Thref-y-clawdd.
Mae ein Hunedau Adsefydlu Cleifion Mewnol yn darparu gofal adsefydlu arbenigol i gleifion sy'n gwella o salwch difrifol neu anaf – er enghraifft, yn dilyn strôc. Mae'r rhain wedi'u lleoli yn Aberhonddu a'r Drenewydd.
Mae ein wardiau ysbyty cymunedol yn canolbwyntio ar gleifion sydd angen gofal meddygol neu nyrsio parhaus mewn ysbyty cymunedol.

Mae hyn yn ychwanegol at unedau iechyd meddwl y sir.

Wardiau Ysbytai Cymunedol: Mae gan Fwrdd Iechyd Addysgu Powys Wardiau Ysbyty Cymunedol yn Aberhonddu (Y Bannau), Llandrindod (Claerwen), Machynlleth (Twymyn), Y Trallwng (Maldwyn), Ystradgynlais (Adelina Patti).

Unedau Adsefydlu Cleifion Mewnol: Mae gan Fwrdd Iechyd Addysgu Powys Unedau Adsefydlu Cleifion Mewnol yn Aberhonddu (Epynt) a'r Drenewydd (Brynheulog).

Unedau Ailalluogi: Mae gan Fwrdd Iechyd Addysgu Powys Unedau Ailalluogi yn Llanfair-ym-Muallt (Glan Irfon) a Thref-y-clawdd (Ysbyty Tref-y-clawdd / Cottage View).

Unedau Barod i Fynd Adref: Mae gan Fwrdd Iechyd Addysgu Powys Unedau Barod i Fynd Adref ym Mronllys a Llanidloes.