Cofrestrwch i'n bwletinau newyddion e-bost am ddim
Beth yw govDelivery?
Mae govDelivery yn wasanaeth tanysgrifio i fwletin newyddion e-bost am ddim y gallwch gofrestru iddo a derbyn diweddariadau newyddion rheolaidd trwy e-bost yn uniongyrchol i'ch mewnflwch.
Mae’n hawdd cofrestru a gallwch ddewis o chwe phwnc newyddion:
- Dechrau Da - mae’n darparu newyddion i chi bob mis ar wasanaethau i blant a phobl ifanc 0-25 oed.
- Byw’n Dda - mae’r pwnc hwn yn darparu diweddariadau newyddion bob mis ar wasanaethau i oedolion sy’n cefnogi iechyd a lles.
- Heneiddio’n Dda - mae hwn yn darparu newyddion iechyd bob mis i oedolion hŷn ar wasanaethau sy’n eich cefnogi chi yn eich blynyddoedd hŷn.
- Swyddi - mae hwn yn fwletin bob pythefnos sy’n amlinellu’n holl gyfleoedd swyddi.
- Newyddion - mae’r bwletin hwn yn rhannu straeon newyddion sydd wedi cael eu cyhoeddi ar ein gwefan yn ystod y mis.
- Newyddion Ymgysylltu - mae hwn yn rhannu’r holl gyfleoedd i chi ddweud eich dweud ar wasanaethau ein bwrdd iechyd a’r rheini o’r byrddau iechyd cyfagos wrth iddynt godi.
Dilynwch y broses 3 cam syml:
Cam 1. Yn gyntaf, nodwch eich cyfeiriad e-bost.
Cam 2. Cadarnhewch hwn ac yna gallwch osod cyfrinair dewisol a bwrw golwg dros ein polisi preifatrwydd data.
Cam 3. Dewiswch y pynciau yr hoffech danysgrifio iddynt a nodwch yr ardal leol rydych chi’n byw ynddi, neu’r ardal agosaf i chi, ac yna pwyswch i gyflwyno. (Gallwch ddewis mwy nag un pwnc neu leoliad).
Byddwch wedyn yn derbyn e-bost croeso i ddweud eich bod wedi tanysgrifio'n llwyddiannus. Bydd eich bwletin/au dewisol yn cyrraedd trwy e-bost yn ystod y mis.
Ar ôl tanysgrifio, gallwch hefyd gyrchu a newid eich dewisiadau gan gynnwys dad-danysgrifio o'r pynciau/gwasanaeth. Mae dolenni ar waelod pob bwletin i wneud hynny. Gobeithiwn eich bod yn mwynhau derbyn newyddion a diweddariadau gan Fwrdd Iechyd Addysgu Powys.