Bwrdd Iechyd Addysgu Powys i nodi Dydd y Cofio gyda Thawelwch a Theyrnged

7 Tachwedd 2025

Bob blwyddyn ar yr 11eg o Dachwedd, rydym yn dod at ein gilydd, wedi ein huno mewn cof, i anrhydeddu pawb sydd wedi gwasanaethu, dioddef ac aberthu yng ngwrthdaro rhyfel, a'r personél sy'n parhau i wasanaethu gyda dewrder ac ymroddiad.

Ar Ddydd y Cofio 2025, mae Bwrdd Iechyd Addysgu Powys yn annog staff a chleifion ar draws holl safleoedd y bwrdd iechyd i ymuno â'r genedl mewn tawelwch dwy funud am 11:00yb gan gofio'n dawel ymdrechion dewr y rhai a ymladdodd dros heddwch a byd gwell.

Fel arwydd o barch, bydd baner y Lluoedd Arfog yn cael ei chodi yn Ysbytai Cymunedol Powys.

Dywedodd Dr Carl Cooper, Cadeirydd Bwrdd Iechyd Addysgu Powys:

‘Mae Diwrnod y Cofio yn fwy na anrhydeddu’r rhai a gollwyd. Mae'n cydnabod dewrder, ymroddiad a gwydnwch y rhai sy'n gwasanaethu heddiw. Mae'n amser i fyfyrio ar etifeddiaeth heddwch a lles a ddaeth i'r amlwg o ddinistr rhyfel ac i ailadrodd ein hymrwymiad i'r gwerthoedd hynny yn ein gwaith a'n cymunedau.

Ar 11 Tachwedd 1918, newidiodd y byd am byth. Daeth rhyfel a gymerodd filiynau o fywydau ac a ail-luniodd gymunedau i ben. Mae'r dyddiad hwn o arwyddocâd dwfn, amser pan mae cenhedloedd yn uno ledled y byd i dalu teyrnged dawel. Mae gennym gyfrifoldeb i sicrhau ein bod yn cofio ac yn parhau i gofio effaith gwrthdaro ar gyfer cenedlaethau'r dyfodol.’