Bwrdd iechyd yn estyn gwahoddiad i bobl rhannu eu barn
Mehefin 24ain 2025
Mae Bwrdd Iechyd Addysgu Powys yn gwahodd trigolion Powys i gymryd rhan wrth iddynt geisio barn ar ddyfodol gwasanaethau iechyd corfforol a meddyliol oedolion yn y gymuned.
O'r enw “Gwella Gyda'n Gilydd”, mae'r ymarfer ymgysylltu presennol yn rhedeg tan 27 Gorffennaf ac yn ceisio barn ar y ffyrdd y gellid darparu gwasanaethau yn y dyfodol.
Mae'r bwrdd iechyd yn cynnal cyfres o sesiynau galw heibio cyhoeddus agored a gweithdai lle gallwch fachu lle ledled y sir ac ar-lein i bobl gymryd rhan.
Bydd gweithdai yn rhedeg o 2-4yp a sesiynau galw heibio o 5-7yh ar y dyddiadau canlynol:
- Dydd Mawrth 1 Gorffennaf yn yr Oriel, Theatr Brycheiniog, Aberhonddu
- Dydd Mercher 2 Gorffennaf yn Ystafell Ymgynnull, Neuadd y Dref, Y Trallwng
- Dydd Iau 3 Gorffennaf yn Neuadd Leiaf, y Neuadd Les, Ystradgynlais
- Dydd Mercher 10 Gorffennaf yn Ystafell Powys, y Metropole, Llandrindod
- Dydd Mercher 16 Gorffennaf yn yr Ystafell Ddigwyddiadau, Hafan Yr Afon, Y Drenewydd
Yn ogystal, cynhelir sesiwn gweithdy ar-lein rhwng 7-9yh ar ddydd Mercher 9 Gorffennaf.
Mae angen bachu lle ar gyfer y gweithdai wyneb yn wyneb ac ar-lein. Mae'r sesiynau galw heibio ar agor i bawb heb angen bachu lle.
I gofrestru, ewch i https://forms.office.com/e/Y8AQ4baMsK neu e-bostiwch Powys.Engagement@wales.nhs.uk neu ffoniwch: 01874 442917 a gadewch eich enw a rhif ffôn.
Mae manylion llawn yn egluro'r angen am newid ar gael yn https://www.dweudeichdweudpowys.cymru/gwella-gydan-gilydd-haf25