Gwasanaeth Ffisiotherapi Iechyd y Pelfis
Beth yw gwasanaeth Iechyd y Pelfis a beth sydd ganddo i'w gynnig
Mae Ffisiotherapi Iechyd y Pelfis yn cynnig asesiadau arbenigol o broblemau’r bledren neu’r coluddyn, neu boen yn y pelfis i fenywod, dynion, unigolion trawsryweddol, unigolion anneuaidd neu gleifion o unrhyw adnabyddiaeth arall.
Bydd hwn yn cynnwys sgwrs am eich problemau iechyd y pelfis.
Mae canllawiau cenedlaethol yn awgrymu addysg ar sut i ofalu am gyhyrau llawr eich pelfis, a sut a phryd i geisio cymorth. Gall ymweld â Ffisiotherapydd Iechyd y Pelfis eich helpu deall hwn yn well. Argymhellir gweithgareddau megis Ioga neu Pilates hefyd fel rhan o’ch cynllun triniaeth.
Dyma rai o gyflyrau mae’r gwasanaeth yn eu trin:
- Cyflyrau’r bledren a / neu’r coluddyn
- Prolaps ysgafn i gymedrol / Procidentia
- Trawma'r Perinëwm (rhwyg ar ôl geni babi)
- Adsefydlu’r Rectus Abdominis (gwahanu o’r bol ar ôl geni babi)
- Poen cyhyrysgerbydol yn gysylltiedig â beichiogrwydd, er enghraifft Poen yng Ngwregys y Pelfis / cymorth / addysg cynenedigol
- Poen yn y Pelfis e.e. poen o feinwe creithiau'r perinëwm / Endometriosis / poen wrth gael rhyw
- Symptomau Menopos
- Adsefydlu ar ôl llawdriniaeth gynaecoleg
- Adsefydlu ar ôl toriad Cesaraidd
Dyma rai o driniaethau mae’r gwasanaeth yn eu cynnig:
- Asesiad manwl o lawr eich pelfis ac asesiad cyhyrysgerbydol allanol
- Addysg ar sut mae llawr eich pelfis yn gweithio
- Cyngor ac addysg ar eich ffordd o fyw
- Ymarferion llawr y pelfis
- Ymarferion cryfhau eich craidd yn seiliedig ar pilates
- Ail-hyfforddi eich pledren a’ch coluddyn
- Triniaeth fewnol ac allanol ar y meinwe feddal
Lleoliadau'r gwasanaeth
Mae’r gwasanaeth wedi’i leoli safleoedd canlynol Bwrdd Iechyd Addysgu Powys:
- Ysbyty Coffa Victoria, Y Trallwng
- Uned Adsefydlu’r Drenewydd, sy’n gyfagos i Glafdy Sirol Maldwyn (Ysbyty’r Drenewydd), Y Drenewydd
- Canolfan Iechyd a Gofal Glan Irfon, Llanfair-ym-Muallt
- Ysbyty Coffa Rhyfel Sir Frycheiniog, Aberhonddu
- Ysbyty Cymunedol Ystradgynlais, Ystradgynlais
Strwythur y Tîm
Mae’r gwasanaeth dan arweiniad Pennaeth Proffesiynol Ffisiotherapi.
Mae dau Ffisiotherapydd Arbenigol Clinigol Iechyd y Pelfis ym Mhowys.
Mae’r gwasanaeth yn cael ei gefnogi gan staff gweinyddol lleol.
Beth ddylech chi ddisgwyl yn ystod apwyntiadau?
Bydd eich apwyntiad Ffisiotherapi Iechyd y Pelfis cychwynnol yn cynnwys trafodaeth am eich pryderon ynglŷn ag iechyd eich pelfis. Byddwn yn cynnig y dewis i chi gael arsylwad gwain / ano-rectwm i weld sut mae cyhyrau llawr eich pelfis yn gweithio.
Gwisgwch ddillad cyfforddus i allu dadwisgo / gwisgo eto'n rhwydd, os oes angen.
Yn dilyn asesiad, byddwch yn trafod eich opsiynau triniaeth a byddwch yn cytuno ar nodau fel rhan o’ch cynllun triniaeth Ffisiotherapi.
Hawl am hebryngwr
Mae gennych yr hawl i ofyn am hebryngwr, neu efallai y bydd eich darparwr gofal iechyd yn gofyn am hebryngwr ffurfiol yn ystod y driniaeth. Mae croeso i aelod o'r teulu / perthynas weithredu fel hebryngwr anffurfiol ond efallai y bydd hefyd angen cael hebryngwr ffurfiol hefyd gan rywun sydd wedi'i hyfforddi yn y maes. Mewn achosion lle gofynnwyd am hebryngwr ond nad yw ar gael, efallai y bydd angen i ni ail-drefnu eich archwiliad tan fydd hebryngwr ar gael.
Rhowch wybod i ni cyn gynted â phosibl os oes angen hebryngwr arnoch ar gyfer unrhyw archwiliadau personol.
Meini prawf a ffurflenni atgyfeirio
Gall unrhyw un sy'n 16 oed neu'n hŷn hunanatgyfeirio at y gwasanaeth, gan ddefnyddio'r ffurflen ddigidol yn y ddolen ganlynol:
Ffurflen hunanatgyfeirio ddigidol - Gwasanaeth Ffisiotherapi Iechyd y Pelfis
Os oes gennych unrhyw un o’r symptomau canlynol, dylech gysylltu â’ch Meddyg Teulu am fwy o gyngor:
- Gwaedu o’r wain annisgwyl
- Poen parhaus yn y pelfis, nad yw’n lleddfu
Os oes gennych unrhyw un o’r symptomau canlynol, ochr yn ochr â phoen yn y cefn, ewch i Adran Ddamweiniau ac Achosion Brys (A&E) ar unwaith:
- Teimlad gogleisiog / dideimladrwydd (paraesthesia) newydd yn yr ardal rhwng eich coesau (ardal y gyfrwy)
- Colled newydd a sydyn wrth reoli eich wrin / ysgarthion
Ehangwch yr adran ganlynol 'Syndrom Cauda Equina – rhybuddion risg’, am arweiniad pellach ar bryd i geisio cymorth ar unwaith:
Adnoddau cyngor a chymorth
Cliciwch ar yr adrannau canlynol i ddarllen mwy o wybodaeth:
Manylion cyswllt y gwasanaeth
Os ydych newydd gael eich cyfeirio at y gwasanaeth, neu os ydych newydd hunangyfeirio gallwch gysylltu â Chanolfan Therapïau Bwrdd Iechyd Addysgu Powys (BIAP) yn:
Cyfeiriad e-bost: therapies.hub.pow@wales.nhs.uk
Rhif ffôn: 0845 840 1234 neu 01686 613 200
Cyfeiriad:
Y Ganolfan Therapïau
Clafdy Sirol Maldwyn (Ysbyty’r Drenewydd)
Heol Llanfair
Y Drenewydd
Powys
SY16 2DW
Gall cleifion cyfredol Gwasanaeth Iechyd y Pelfis BIAP gysylltu â’u gwasanaeth Ffisiotherapi Iechyd y Pelfis lleol/cyfredol, am apwyntiad dilynol a chyfathrebiadau, gan ddefnyddio’r rhifau ffôn canlynol:
- Ysbyty Coffa Victoria, Y Trallwng - Adran Ffisiotherapi: 01938 558930
- Clafdy Sirol Maldwyn (Ysbyty’r Drenewydd), Y Drenewydd - Adran Ffisiotherapi: 01686 617207
- Canolfan Iechyd a Gofal Glan Irfon, Llanfair-ym-Muallt – Desg Flaen: 01686 252134
- Ysbyty Coffa Rhyfel Sir Frycheiniog, Aberhonddu - Adran Ffisiotherapi: 01874 615716
- Ysbyty Cymunedol Ystradgynlais, Ystradgynlais - Adran Ffisiotherapi: 01639 846442
Adborth y claf ar y gwasanaeth
Rydym yn croesawu eich adborth ar unrhyw adeg am eich profiad fel claf o'r gwasanaeth Iechyd y Pelfis. Mae croeso i chi ddanfon unrhyw adborth i’r cyfeiriad e-bost hwn: