Anghenion Dysgu Ychwanegol

Mae’r dudalen hon yn darparu gwybodaeth am rôl y GIG o dan Ddeddf Anghenion Dysgu Ychwanegol a’r Tribiwnlys Addysg (Cymru) 2018 – Deddf ADY. Mae’n egluro beth mae’r Ddeddf ADY yn ei olygu i blant a phobl ifanc sydd ag anghenion dysgu ychwanegol, lle mae’r GIG yn ymwneud â diwallu eu hanghenion.

Mae’r fideos ar y dudalen hon yn dangos sut mae Bwrdd Iechyd Addysgu Powys yn cydweithio â’n partneriaid i wneud gwahaniaeth i blant a phobl ifanc ag anghenion dysgu ychwanegol.

Mae’r fideos hefyd yn rhoi gwybodaeth am rôl tri o’n meysydd gwasanaeth sydd â rhan allweddol i’w chwarae wrth gefnogi plant ag anghenion dysgu ychwanegol – Therapi Iaith a Lleferydd, Therapi Galwedigaethol a Ffisiotherapi.