Sesiynau Galw Heibio Brechu COVID - wythnos yn dechrau 11 Gorffennaf

Mae gennym sesiynau galw heibio ar gael yn ein Canolfannau Brechu Torfol wythnos yn dechrau 11 Gorffennaf. Gwiriwch y dyddiadau a chymhwysedd isod. Gallwch hefyd wirio ein tudalen galw heibio am y wybodaeth ddiweddaraf.

Clinigau galw heibio i rai 13+ oed

Gallwch fynychu ein clinigau galw heibio ar gyfer eich brechlyn atgyfnerthu cyntaf os ydych:

Yn 16+ oed
Wedi cwblhau eich cwrs cynradd (ee ail ddos) fwy na thri mis yn ôl

PEIDIWCH â mynychu am sesiwn atgyfnerthu os ydych wedi profi’n bositif am COVID-19 yn y 28 diwrnod diwethaf (os ydych yn 18 oed neu’n hŷn) neu yn yr 84 diwrnod diwethaf (os ydych yn 16-17).

Gallwch fynychu ein clinigau galw heibio ar gyfer eich dos cyntaf os ydych:

Yn 13+ oed ( gallwch hefyd fynychu os ydych yn 12 oed ac wedi eich geni ar neu cyn 31 Awst 2009 )
Yng nghwmni rhiant/gwarcheidwad os 12-15 oed

PEIDIWCH â mynychu os ydych rhwng 12-17 oed ac wedi profi’n bositif am COVID yn yr 84 diwrnod diwethaf, neu os ydych yn 18+ ac wedi profi’n bositif am COVID-19 yn y 28 diwrnod diwethaf.

Gallwch fynychu ein clinigau galw heibio ar gyfer eich ail ddos os ydych:

Yn 18+ oed ac wedi cael eich dos Pfizer cyntaf fwy nag wyth wythnos yn ôl (mae ail ddosau AZ trwy apwyntiad).
NEU yn 13-17 oed ac wedi derbyn eich dos Pfizer cyntaf fwy na deuddeg wythnos yn ôl

PEIDIWCH â mynychu os ydych rhwng 12-17 oed ac wedi profi’n bositif am COVID yn yr 84 diwrnod diwethaf, neu os ydych yn 18+ ac wedi profi’n bositif am COVID-19 yn y 28 diwrnod diwethaf.

Ysbyty Bronllys

Dydd Llun 11 Gorffennaf: 11.30yb - 2.15yp
Dydd Mawrth 12 Gorffennaf: 9.30yb - 12.15yp a 1.30yp - 4.30yp
Dydd Mercher 13 Gorffennaf: 9.30yb - 12.15yp a 1.30yp - 4.30yp
Dydd Iau 14 Gorffennaf: 11.30yb - 2.15yp
Dydd Gwener 15 Gorffennaf: 9.30yb - 12.15yp a 1.30yp - 4.30yp

Canolfan Ddydd Stryd y Parc, Y Drenewydd *Nodwch y newid lleoliad*

Dydd Llun 11 Gorffennaf: 9.30yb - 12.15yp a 1.30yp - 4.30yp
Dydd Mawrth 12 Gorffennaf: 11.30yb - 2.15yp
Dydd Mercher 13 Gorffennaf: 11.30yb - 2.15yp
Dydd Iau 14 Gorffennaf: 9.30yb - 12.15yp a 1.30yp - 4.30yp
Dydd Gwener 15 Gorffennaf: 9.30yb - 12.15yp a 1.30yp - 4.30yp

Gallwch ddod o hyd i ragor o wybodaeth am Ganolfan Ddydd Stryd y Parc, gan gynnwys parcio a sut i gyrraedd yno, yma: Canolfan Ddydd Stryd y Parc y Drenewydd

Mae rhaglen atgyfnerthu'r gwanwyn bellach wedi dod i ben.

Clinigau galw heibio i rai 5-11 oed

Mae’r clinigau hyn hefyd ar agor i bobl 12 oed a gafodd eu geni ar neu ar ôl 1 Medi 2009.

Gall y rhai 5 - 11 oed fynychu ein clinigau galw heibio am ddos cyntaf os ydynt:

Wedi cofrestru gyda Meddyg Teulu ym Mhowys ac yng nghwmni rhiant/gwarcheidwad.

PEIDIWCH â mynychu os ydych wedi profi'n bositif am COVID yn ystod yr 84 diwrnod diwethaf.

Ysbyty Bronllys

Dydd Llun 11 Gorffennaf: 3.30yp - 6.30yh
Dydd Iau 14 Gorffennaf: 3.30yp - 6.30yh

Canolfan Ddydd Park Street, Y Drenewydd

Dydd Mawrth 12 Gorffennaf: 3.30yp - 6.30yh
Dydd Mercher 13 Gorffennaf: 3.30yp - 6.30yh

Nid oes angen apwyntiad.

Helpwch ni i wneud yn siŵr bod eich brechlyn mor effeithiol â phosibl a dewch i sesiwn galw heibio dim ond os:

NID oes gennych chi symptomau COVID-19 ar hyn o bryd
NID ydych yn ddifrifol wael
NID ydych wedi profi’n bositif am COVID-19 yn y 28 diwrnod diwethaf (os ydych dros 18 oed) neu NAD ydych wedi profi’n bositif yn yr 84 diwrnod diwethaf (os ydych o dan 18 oed)

Mae pob dos cyntaf gyda Pfizer ar hyn o bryd oni bai bod gennych angen clinigol penodol am ddewis arall yn lle Pfizer. Bydd eich brechwr yn trafod hyn gyda chi pan fyddwch yn mynychu.

Daliwch i wirio ein sianeli cyfryngau cymdeithasol am ddiweddariadau.

Mae rhagor o wybodaeth am frechu COVID-19 ym Mhowys ar gael ar ein gwefan yn https://pthb.nhs.wales/covid-vaccine

Cyhoeddwyd: 08/07/22