Disgwylir i ganolfan brofi newydd ar gyfer pobl â symptomau Coronafeirws agor yr wythnos hon ar Faes Sioe Frenhinol Cymru, gan ddod â phrofion yn nes adref i fwy o bobl yn Mhowys (diweddarwyd ddiwethaf ar 1 Mehefin 2020)
Bellach gellir profi cannoedd o bobl yn Mhowys sydd â symptomau COVID-19 bob dydd diolch i bartneriaeth newydd rhwng Bwrdd Iechyd Addysgu Powys, Lluoedd Arfog y DU, Cyngor Sir Powys, a Chymdeithas Amaethyddol Frenhinol Cymru.
Gall unrhyw un sydd â symptomau - peswch parhaus, twymyn, neu lai o synnwyr blas neu arogl - ofyn am becyn profi cartref trwy wefan Llywodraeth Cymru neu trwy ffonio 119 neu 18001 119 ar gyfer pobl ag anawsterau clyw neu leferydd.
Ochr yn ochr â hyn, gall unrhyw un â symptomau drefnu apwyntiad mewn unedau profi gyrru drwodd o fewn y sir. Ar hyn o bryd mae'r rhain wedi'u lleoli yn Ysbyty Bronllys, Theatr Hafren yn y Drenewydd ac yn ddiweddarach yr wythnos hon mewn lleoliad newydd ar Faes Sioe Frenhinol Cymru.
Dywedodd Stuart Bourne, Cyfarwyddwr Iechyd Cyhoeddus ar gyfer Bwrdd Iechyd Addysgu Powys:
“Mae ein hunedau profi gyrru drwodd yn cynnig ffordd ddiogel a lleol i bobl â symptomau gael mynediad cyflym i brawf antigen COVID-19 yn y sir.
“Mae'r unedau'n darparu swab cyflym a syml. Nid oes angen i'r bobl sy'n cael eu profi adael eu car hyd yn oed.
“Mae hyn yn sicrhau’r profiad mwyaf diogel i bawb dan sylw - y bobl sy’n mynychu i brofi, staff yr uned, a’r gymuned leol.”
Mae'r uned brofi gyrru drwodd newydd ar gyfer Canolbarth Powys wedi'i lleoli ar Faes Sioe Frenhinol Cymru.
Dywedodd Steve Hughson, Prif Weithredwr Cymdeithas Amaethyddol Frenhinol Cymru:
"Rydym yn falch iawn o gynnal uned brofi gyrru drwodd ar Faes Sioe Frenhinol Cymru a byddwn yn parhau i weithio gyda phartneriaid i gefnogi ein cymunedau lleol i fynd i'r afael â'r pandemig hwn.
“Mae COVID-19 yn debygol o fod gyda ni i gyd am fisoedd lawer i ddod. Gyda'n safle maes arddangos mawr, gallwn ddarparu cyfleuster gwych ar gyfer profi COVID-19, tra hefyd yn parhau â'n cynllunio gofalus ar gyfer ailddechrau gweithgareddau eraill yn ddiogel ar safle Maes y Sioe.
“Rydym yn falch ein bod yn chwarae ein rhan wrth helpu pobl i gael prawf, atal y lledaeniad a chadw Powys yn ddiogel."
Mae'r unedau profi gyrru drwodd ar gael trwy apwyntiad yn unig.
Pan fyddant yn gwbl weithredol bydd yr unedau fel arfer yn cynnwys tua 10 i 15 prawf yr awr.
Dywedodd y Cynghorydd James Evans, Aelod Cabinet dros yr Economi, Tai a Gwasanaethau Rheoleiddio ar gyfer Cyngor Powys:
“Nid cyfleusterau galw heibio yw’r rhain. Peidiwch â chyrraedd heb apwyntiad gan na fyddwch yn cael eich profi.
“Mae bwcio eich apwyntiad yn golygu bod gan yr unedau profi eich manylion llawn pan gyrhaeddwch i'ch prawf. Mae hefyd yn sicrhau nad oes unrhyw darfu ar gymunedau cyfagos.
“Dilynwch y canllawiau ar hunan-ynysu pan fyddwch chi'n mynychu prawf. Dylech deithio'n uniongyrchol i'r ganolfan brawf a dychwelyd adref yn syth. Os oes angen help arnoch gyda hunan-ynysu yna siaradwch â theulu, ffrindiau a chymdogion neu cysylltwch ag un o'r nifer o grwpiau cymunedol ar draws Powys sydd wedi darparu cefnogaeth anhygoel yn ystod COVID-19."
“Yma ym Mhowys rydym wedi bod yn un o’r ardaloedd peilot cyntaf yng Nghymru i baratoi ar gyfer cyflwyno olrhain cyswllt. Mae cyfleusterau prawf estynedig yn golygu y gallwn atgyfeirio pobl yn gyflym am brawf, gan ein helpu i atal COVID-19 rhag lledaenu. ”
Ar hyn o bryd mae rhaglen brofi COVID-19 yng Nghymru yn cynnig y prawf antigen, sy'n nodi a oes gan rywun y firws ar hyn o bryd. Mae Llywodraeth Cymru hefyd yn gweithio ar gynlluniau i gyflwyno profion gwrthgorff, a fydd yn rhoi gwybod i bobl a ydyn nhw wedi cael y firws o'r blaen.
Mae profion antigen ar gael mewn sawl ffordd wahanol:
Y safleoedd profi gyrru drwodd cyfredol ym Mhowys yw:
Bydd y tri safle yn cael eu staffio gan dimau o Fwrdd Iechyd Addysgu Powys, ac o unedau symudol Lluoedd Arfog y DU a ddefnyddir ym Mhowys. Bydd yr unedau symudol hefyd yn parhau i ymweld â lleoliadau ledled y sir, gan gynnwys i gefnogi profion lleol mewn cartrefi gofal.
Ychwanegodd Mr Bourne:
“Byddwn yn adolygu ein rhaglen brofi, gan gynnwys ystyried cyflwyno profion gwrthgyrff pan fyddant ar gael. Mae gan ein rhaglen gyfredol o brofi cartrefi a phrofion gyrru drwodd - ynghyd â'n rhaglen brofi ar gyfer cleifion mewnol ysbytai a chartrefi gofal - ddigon o allu i brofi pawb sydd angen prawf, ac i'n helpu i estyn allan at bobl ledled y sir.
“Mae ein hunedau profi wedi gweithredu o ystod eang o leoliadau ledled y sir a hoffwn ddiolch i’r holl leoliadau a phawb a fu’n rhan o’r gwir ymdrech gydweithredol hon i Gadw Powys yn Ddiogel.”