Mae newidiadau i gyngor i bobl sy’n cysgodi rhag coronafeirws yn cael eu cyflwyno o ddydd Llun 1 Mehefin, mae’r Gweinidog Iechyd a Gwasanaethau Cymdeithasol Vaughan Gething wedi cyhoeddi heddiw. (diweddarwyd ddiwethaf 31 Mai 2020)
Gall pobl sydd wedi bod yn cysgodi nawr wneud ymarfer corff yn yr awyr agored a chwrdd â phobl o aelwyd arall, cyhyd â'i fod yn digwydd yn yr awyr agored.
Mae dau newid i'r cyngor ar gyfer y grŵp hwn:
Nid oes unrhyw newidiadau eraill yn cael eu gwneud i'r cyngor i'r rhai sy'n cysgodi ar hyn o bryd. Dylai pobl sy'n cysgodi barhau i ddilyn yr holl gyngor arall a roddwyd yn flaenorol. Ni ddylent fynd i siopa na mynychu gwaith y tu allan i'r cartref. Dylent barhau i gael bwyd a meddyginiaeth wedi'u dosbarthu iddynt.
Daw'r cyngor hwn gan Brif Swyddog Meddygol Cymru, Dr Frank Atherton, a ddywedodd:
Ni ellir byth dileu risg yn llwyr ond rydym yn cynghori'r rhai sy'n cysgodi i wneud ymarfer corff ar adegau sy'n llai prysur, felly mae'r risg o gyswllt ag eraill yn cael ei leihau.
Rydym wedi cynghori pawb yng Nghymru i gynnal pellter cymdeithasol o 2 fetr a chadw hylendid da wrth gwrdd yn yr awyr agored. I'r rhai sy'n cysgodi, mae'n hanfodol dilyn y rheolau hyn yn llym.
Dywedodd y Gweinidog Iechyd a Gwasanaethau Cymdeithasol, Vaughan Gething:
"Rwy’n falch bod cymaint wedi bod yn cysgodi mor ddiwyd - nid yn unig yn amddiffyn eu hunain ond hefyd yn helpu i amddiffyn ein GIG. Rydym yn cydnabod pa mor heriol y bu’r misoedd diwethaf hyn, heb lawer o gyswllt wyneb yn wyneb ag eraill.
"Rwy'n hynod falch o bawb sydd wedi ac yn parhau i ddarparu'r gefnogaeth hanfodol i alluogi pobl i gysgodi. Mae ein partneriaid Awdurdod Lleol, fferyllfeydd, gwirfoddolwyr a manwerthwyr bwyd mawr i gyd wedi tynnu at ei gilydd i wneud cysgodi'n bosibl."
Mae'r Prif Swyddog Meddygol yn parhau i ddatblygu ei gyngor ar gyfer cysgodi pobl ar ôl 15 Mehefin. Bydd pawb sy'n cysgodi yn derbyn llythyr gan Brif Swyddog Meddygol Cymru yn ystod y pythefnos i ddod yn nodi'r camau nesaf.
Ffynhonnell: Gwefan Llywodraeth Cymru a gyrchwyd ar 31 Mai 2020.