Diweddariad ar adolygiad strategol o EMRTS / Ambiwlans Awyr

Yn dilyn adroddiadau yn y cyfryngau am adolygiad strategol sy’n cael ei gynnal gan elusen Ambiwlans Awyr Cymru mewn partneriaeth â Gwasanaeth Adalw a Throsglwyddo Meddygol Brys y GIG (EMRTS), rydym wedi gofyn am gael cyfarfod â’r elusen, EMRTS a Phwyllgor Gwasanaethau Ambiwlans Brys Cymru gyfan.

Bydd hyn yn rhoi cyfle i ni ddeall eu cynigion yn fwy manwl, trafod y materion a’r pryderon a godwyd gyda ni, a chlywed mwy am sut y bydd yr adolygiad strategol yn digwydd - ac yn enwedig y cyfleoedd i bobl leol gyfrannu at yr adolygiad ac ar gyfer eu lleisiau i'w clywed.

Yn y cyfamser, mae Ambiwlans Awyr Cymru wedi cyhoeddi diweddariad ar eu gwefan yn https://www.walesairambulance.com/public-announcement-waac

Bydd Cyngor Iechyd Cymuned Powys, y corff gwarchod annibynnol statudol i gynrychioli budd y cyhoedd mewn gwasanaethau iechyd, hefyd yn trafod y cynigion hyn yn eu Pwyllgor Cynllunio Gwasanaethau ar 20 Medi. Cynhelir cyfarfodydd ar-lein a gall aelodau'r cyhoedd fynychu. Bydd rhagor o fanylion ar gael yn nes at y dyddiad o wefan CIC yn https://powyschc.nhs.wales/about-us/our-meetings/

Cyhoeddwyd 19/08/22