Diweddariad ar Newidiadau Dros Dro i Wasanaethau

Diweddariad Diweddaraf 31 Mawrth 2026

Mae gwasanaethau iechyd ym Mhowys yn wynebu heriau sylweddol sy'n gysylltiedig ag ansawdd, gweithlu a chynaliadwyedd hirdymor.

Yn ystod 2024 fe wnaethom gyflwyno nifer o newidiadau dros dro i'n helpu i ymateb i'r heriau hyn gan hefyd gynnal gofal hanfodol i gleifion.

Newid i'r oriau agor (8am i 8pm) ar gyfer yr Unedau Mân Anafiadau (UMAau) yn Aberhonddu a Llandrindod.
Gweithredu dwy Uned Barod i Fynd Adref yn Llanidloes a Bronllys mewn cyfuniad ag adsefydlu cleifion mewnol cryfach yn Aberhonddu a'r Drenewydd.

Fe wnaethom adolygu'r newidiadau dros dro ym mis Gorffennaf 2025. Roedd y newidiadau dros dro yn darparu manteision i ofal cleifion, ond rydym yn cydnabod cryfder teimlad y cyhoedd am wasanaethau ysbytai cymunedol lleol.

Pan wnaethom adolygu'r newidiadau dros dro ym mis Gorffennaf 2025, roeddem wedi cynllunio cyfnod o ymgynghoriad ffurfiol o Hydref 2025 yn edrych ar yr holl wasanaethau cymunedol iechyd corfforol a meddyliol i oedolion a ddarparwn ledled y sir. Byddai hyn yn ein helpu i wneud penderfyniadau am y newidiadau dros dro.

Mae'r rhain yn faterion cymhleth, ac nid ydym am frysio'r penderfyniadau sydd angen eu gwneud.

Yn y cyfamser, mae'r newidiadau dros dro wedi parhau i gael eu hadolygu. Roedd hyn yn cynnwys ein cyfnod ymgysylltu diweddar o fis Tachwedd 2025 i Chwefror 2026.

Yn dilyn y cyfnod pellach hwn o adolygiad, mae'r Bwrdd wedi ailddatgan ei ymrwymiad i wneud penderfyniadau ar siâp parhaol gwasanaethau yn y dyfodol drwy'r ymgynghoriad Gwella Gyda'n Gilydd yn ddiweddarach eleni.

Camau Nesaf

Os hoffech gael y newyddion diweddaraf gan Fwrdd Iechyd Addysgu Powys, cofrestrwch i dderbyn ein bwletinau e-bost rheolaidd yn https://biap.gig.cymru/newyddion/cofrestrwch-in-bwletinau-newyddion-e-bost-am-ddimns/

Mae rhagor o wybodaeth ar Gwella Gyda’n Gilydd ar gael yn Gwella Gyda'n Gilydd - Bwrdd Iechyd Addysgu Powys