Diweddariad ar Wasanaethau Deintyddol y GIG yn Llandrindod

Hysbysiad Pwysig i Gleifion – Cau Practis Deintyddol Little Owl

Mae'n ddrwg gennym adrodd bod Practis Deintyddol Little Owl yn Llandrindod wedi rhoi'r gorau i fasnachu a bod pob apwyntiad wedi'i ganslo. Mae'r camau hyn yn dilyn gwaharddiad y Deintydd a oedd yn rhedeg y gwasanaeth gan y Cyngor Deintyddol Cyffredinol.

Beth ddylech chi ei wneud nesaf?

• Os ydych chi'n profi poen neu waedu dannedd: Cysylltwch â GIG 111 i wneud apwyntiad brys. Noder, efallai y bydd angen i chi deithio i fynychu apwyntiad brys y GIG.
• Cleifion y GIG sydd angen triniaeth arferol: Gallwch ychwanegu eich manylion at y Porth Mynediad Deintyddol https://biap.gig.cymru/pmd a phan fydd deintydd y GIG yn derbyn cleifion newydd, byddwch yn cael lle. Os nad oes gennych fynediad i'r rhyngrwyd, ffoniwch y Llinell Gymorth Deintyddol ar 01686 252808.
• Cleifion Denplan: Mae gennych ddau opsiwn:
  • Ychwanegwch eich hun at y Porth Mynediad Deintyddol i aros am fynediad i'r GIG.
  • Cysylltwch â Denplan yn uniongyrchol dros y ffôn neu eu gwefan i chwilio am ddeintydd Denplan arall. Noder, nid yw'r Bwrdd Iechyd yn cadw'r manylion hyn.

Ni fydd Bwrdd Iechyd Addysgu Powys yn goddef unrhyw ymddygiad ymosodol tuag at ei staff a bydd galwadau ffôn yn cael eu terfynu os yw hyn yn digwydd. Diolch am eich dealltwriaeth a'ch cydweithrediad.

Y Camau Nesaf

Rydym yn cydnabod yn llawn pa mor siomedig fydd y newyddion hwn i gleifion lleol.

Mae'r bwrdd iechyd yn gweithio'n gyflym i nodi trefniadau amgen ar gyfer gwasanaethau deintyddol y GIG yn yr ardal ond yn anffodus nid oes unrhyw atebion a fydd yn cynnig parhad gwasanaeth ar unwaith. Mae'r prosesau statudol a chytundebol i roi contract gwasanaethau deintyddol cyffredinol newydd ar waith yn cymryd peth amser a byddwn yn sicrhau eich bod yn cael y wybodaeth ddiweddaraf am y cynnydd.