Mae Ysbyty Nevill Hall yn Newid ym mis Tachwedd 2020
Ai Ysbyty Nevill Hall yw'r adran damweiniau ac achosion brys agosaf? Mae gwasanaethau Ysbyty yng Ngwent yn newid.
Bydd cam cyntaf Ysbyty Athrofaol y Faenor yng Nghwmbrân yn agor ar 16 Tachwedd 2020. Mae hyn yn gynharach nag a gynlluniwyd yn wreiddiol i helpu i sicrhau bod y GIG yn barod ar gyfer heriau ychwanegol COVID-19 yn ystod y gaeaf.
O 16 Tachwedd 2020, Ysbyty Athrofaol y Faenor fydd y brif ganolfan yng Ngwent ar gyfer:
- Gofal brys 24-awr o dan arweiniad ymgynghorydd
- Gwasanaethau mamolaeth a newyddenedigol 24-awr dan arweiniad ymgynghorydd
- Gwasanaethau Pediatreg (plant) 24-awr dan arweiniad ymgynghorydd.
O 16 Tachwedd 2020, bydd gofal brys dan arweiniad ymgynghorydd, gwasanaethau mamolaeth a newyddenedigol dan arweiniad ymgynghorydd a gwasanaethau pediatreg dan arweiniad ymgynghorydd yn trosglwyddo I Ysbyty Athrofaol y Faenor O Ysbyty Nevill Hall yn y Fenni ac O Ysbyty Brenhinol Gwent yng Nghasnewydd.
Nod y newidiadau hyn yw sicrhau bod cleifion yn cael mynediad cyflymach at ofal achub bywyd.
Bydd hyn yn helpu i sicrhau bod y tîm cywir o bobl sydd â'r sgiliau a'r profiad cywir ar gael 24 awr y dydd. Bydd hyn yn helpu i sicrhau bod cleifion yn derbyn gofal prydlon sy'n sicrhau canlyniadau gwych gyda llai o risg o gymhlethdodau.
Bydd mwyafrif y gofal a gewch gan ysbytai yng Ngwent yn aros yn ddigyfnewid. Bydd Ysbyty Nevill Hall yn parhau i ddarparu ystod eang o apwyntiadau cleifion allanol, diagnosteg a gweithdrefnau wedi'u cynllunio.
Fodd bynnag, o 16 Tachwedd 2020, os oes angen gofal mwy cymhleth arnoch a ddarparwyd yn flaenorol yn Ysbyty Nevill Hall, efallai y cewch eich cyfeirio at ysbyty gwahanol. Mae hyn yn cynnwys:
- Llawdriniaeth claf mewnol sydd angen aros dros nos
- Genedigaethau o dan arweiniad ymgynghorydd
- Gwasanaethau cleifion mewnol plant ymgynghorol
- Gofal brys ac argyfwng i blant hyd at eu pen-blwydd cyntaf
- Gwasanaethau Damwain ac Achosion Brys Ymgynghorol
- Rhai derbyniadau aciwt
Yn dibynnu ar ble rydych chi'n byw ym Mhowys, efallai eich bod nawr yn agosach at ysbyty gwahanol ar gyfer y gwasanaethau hyn. Er enghraifft, efallai eich bod yn byw yn agosach at Ysbyty'r Tywysog Charles ym Merthyr Tudful, neu i Ysbyty'r Sir yn Henffordd, yn hytrach nag Ysbyty Athrofaol y Faenor.
➡️ https://bipab.gig.cymru/dyfodol-clinigol/ysbyty-neuadd-nevill/