Mynediad dros dro a gwaith i'r maes parcio yn Llandrindod yn dechrau wythnos nesaf

Ers Hydref, rydym wedi bod yn gwneud gwaith gwella hanfodol yn Ysbyty Coffa Rhyfel Llandrindod, diolch i £3m o gyllid gan Lywodraeth Cymru.

Bydd cam nesaf y gwaith allanol yn mynd i'r afael â'r ffyrdd mynediad o flaen yr ysbyty.

Cam 1

Ddydd Llun 10fed Mawrth, bydd gwaith tarmac yn dechrau ar y ffordd ar draws blaen yr ysbyty (wedi'i labelu Cam 1 ar y diagram isod). Yn ystod y gwaith bydd y system unffordd yn cael ei hatal. Bydd pob cerbyd yn mynd i mewn, yn cael ei gyfeirio at y prif faes parcio ac yn gadael trwy'r un gyffordd. 

Drwy gydol y gwaith hwn, bydd mynediad i gerddwyr i'r ysbyty drwy'r Uned Mân Anafiadau, tuag at gefn y safle.

Trwy gydol y gwaith hwn bydd y contractwr yn rheoli'r traffig gydag unigolion yn arwain y ffordd ac arwyddion priodol.

Cam 2

O ddydd Gwener 14eg Mawrth tan ddydd Sul 16eg Mawrth, cam nesaf y gwaith fydd ailwynebu'r ffordd i fyny i'r prif faes parcio. Bydd yr ardal hon (cam 2 wedi'i labelu) ar gau drwy gydol y gwaith.

Yn ystod y penwythnos hwn, bydd yr holl fynediad i'r ysbyty ar hyd llwybrau cerdded i gerddwyr, i mewn trwy’r brif fynedfa arferol.

Yn ystod y gwaith hwn, bydd parcio ar gael ym maes parcio staff Cilgant yr Orsaf. Bydd mynediad cyfyngedig i flaen yr ysbyty.