Newidiadau Bach, Effaith Fawr: Sut i osod nodau realistig ar gyfer yfed llai

Yn aml, gall blwyddyn newydd olygu rhai addunedau mawr– a’r mwyaf ydyn nhw, yr anoddaf yw cadw atynt. O ran alcohol, gall newidiadau bach wneud y gwahaniaeth mwyaf yn hirdymor.

Pam mae camau bach yn bwysig

Wrth osod targedau o amgylch defnyddio alcohol, cofiwch eu gwneud yn Nodau CAMPUS – 'Cyraeddadwy, Amserol, Mesuradwy, Penodol, Uchelgeisiol ac Amserol'. Gall hyn helpu lleihau teimladau llethol neu rwystredig.

“Nid oes rhaid i newid ddigwydd i gyd ar unwaith – gall newidiadau graddol feithrin gwydnwch a hyder, gan roi’r llwyddiant hirdymor hwnnw i chi yn y pen draw,” meddai Neville Brooks, Comisiynydd Camddefnyddio Sylweddau Powys.

“Dechreuwch drwy ddeall eich arferion, gan gofio y gall hyd yn oed addasiadau bach wneud gwahaniaeth mawr i’ch iechyd a’ch lles dros amser.”

Meddwl am dorri'n ôl? Dyma sut i osod nodau realistig sy'n fwy tebygol o fynd y pellter.

1. Dechreuwch gydag ymwybyddiaeth

Traciwch eich yfed am wythnos trwy gadw dyddiadur yfed. Gwybod pryd a pham rydych chi'n yfed yw'r cam cyntaf tuag at newid.

2. Traciwch eich yfed am wythnos trwy gadw dyddiadur yfed

Yn lle “Wna i fyth yfed eto,” rhowch gynnig ar “Byddaf yn lleihau faint rwy’n yfed dros gyfnod o amser.”

3. Gwneud newidiadau'n fesuradwy

Mae nodau fel “yfed llai” yn amwys. Byddwch yn fwy penodol gyda'ch newidiadau: “Byddaf yn cyfyngu fy hun i ddwy ddiod pan fyddaf yn yfed.”

4. Gwybod eich sbardunau

Cymerwch ychydig o amser i ystyried beth sy'n gwneud i chi eisiau cael diod. Mae pawb yn wahanol, ond mae straen a digwyddiadau cymdeithasol yn sbardunau cyffredin i lawer. Pan fyddwch chi'n gwybod beth yw eich rhai chi, paratowch rai dewisiadau eraill – fel mynd am dro, cwrdd â ffrind, neu deimlo'n gyfforddus yn prynu diod ddi-alcohol.

5. Dathlu cynnydd

Mae pob cam yn cyfrif. Cydnabyddwch eich buddugoliaethau, ni waeth pa mor fach ydynt.

Sut Gall SilverCloud Cymru Helpu

Mae ein rhaglen 'Gofod rhag Alcohol' yn defnyddio technegau profedig o Therapi Gwella Cymhelliant (MET) a Therapi Gwybyddol Ymddygiadol (CBT) i'ch helpu chi ddeall eich arferion yfed a gwneud newidiadau cadarnhaol ar eich cyflymder eich hun.

Mae'n rhad ac am ddim gyda GIG Cymru, yn gyfrinachol, ac ar gael ar-lein - felly gallwch chi ddechrau heddiw heb weld meddyg teulu.

I hunanatgyfeirio, ewch i: https://nhswales.silvercloudhealth.com/signup/

Am ragor o gymorth, ffoniwch linell gymorth cyffuriau ac alcohol genedlaethol GIG Cymru, Dan 24/7, ar 0808 808 2234, neu e-bostiwch dan@helpline.wales.

Cyhoeddwyd: 12/01/2026