Sesiynau creadigol ar gael i bobl ym Mhowys sydd mewn profedigaeth, wedi'u heffeithio gan neu wedi dod i gysylltiad â hunanladdiad
A ydych mewn profedigaeth, wedi’ch heffeithio, neu wedi dod i gysylltiad â HUNANLADDIAD?
A fyddech chi’n hoffi cymryd rhan mewn gweithgareddau creadigol a gefnogir, ochr yn ochr ag eraill sydd â phrofiad o lygad y ffynnon, gyda’r bwriad o’ch helpu chi i ymdopi gyda galar?
Mae out of the BLUE yn cynnig sesiynau creadigol positif dan arweiniad pobl broffesiynol i bobl ym Mhowys, gyda’r ffocws ar gyflwyno profiadau tyner i gymryd rhan yn y celfyddydau creadigol, garddio ymarferol a gwneud crefftau traddodiadol.
Cynhelir y sesiynau yng: -
Nghanolfan Gelfyddydol Canolbarth Cymru , Caersws
10:00 - 15:00 awr ar ddydd Llun 31 Hydref, dydd Mawrth 01
a dydd Mercher 02 Tachwedd 2022
Ymddiriedolaeth Fathom , Bwlch, Brycheiniog
10:00 - 15:00 awr ar ddydd Mercher 02, 09 & 16 Tachwedd 2022
Mae CROESO i bawb, mae’r lleoedd AM DDIM, darperir lluniaeth ac rydym yn anelu at gynnig unrhyw gefnogaeth y byddwch ei angen o bosibl o flaen llaw ac ar y dydd i’ch galluogi i fynychu.
Am ragor o wybodaeth neu i gadw lle, anfonwch e-bost at PTHB.CreativeArts@wales.nhs.uk neu ffoniwch 01874 442030
Ewch ati i gadw eich lle erbyn dydd Llun 25 Hydref 2022 – rydym yn edrych ymlaen at croesawu
Mae out of the BLUE yn cynnig profiadau celfyddydol ysbrydoledig ac ystyrlon i bobl sy’n profi galar a phrofedigaeth o ganlyniad i hunanladdiad gyda’r nod o leddfu poen ac adfer gobaith/ cadarnhau gwerth bywyd trwy fynegiant creadigol.
Mae out of the BLUE yn cynnwys rhaglen o ymyriadau celfyddydol sy’n cynnwys cyfres o sesiynau difyr dan arweiniad artistiaid sy’n canolbwyntio ar y cyfranogwr.
Bwrdd Iechyd Addysgu Powys sy’n arwain prosiect out of the BLUE, a ariennir gan Gyngor Celfyddydau Cymru a Sefydliad Baring gyda chefnogaeth partneriaeth oddi wrth Gyngor Sir Powys.
Mae eich profiad o lygad y ffynnon a’ch ymgysylltiad â’r prosiect yn gallu ein helpu ni i ffurfio model cefnogi holistig ar gyfer y dyfodol i ddiwallu eich anghenion chi ac anghenion pobl eraill wrth siapio gwasanaethau sydd dan arweiniad defnyddwyr.
Gallwch ein helpu ni i helpu eraill trwy rannu eich profiadau a chyfrannu tuag at ddatblygiadau wrth gynllunio gwasanaethau cefnogol.
Cyhoeddwyd: 19/10/2022