Mae Capasiti Profi COVID-19 ychwanegol yn cael ei roi ar waith ym Mhowys yn y cyfnod cyn y Nadolig
Yr wythnos hon bydd ehangu mewn profion cyhoeddus COVID-19 ym Mhowys yn y cyfnod cyn y Nadolig.
Bydd uned brofi'r Drenewydd yn adleoli yn y dref, a bydd dwy uned profi symudol dros dro newydd yn agor yn Llanidloes ac Ystradgynlais. Mae hyn yn ychwanegol at y cyfleusterau yn Aberhonddu a Llanfair-ym-Muallt.
Ar ddydd Mercher 9 Rhagfyr bydd yr uned brofi yn y Drenewydd yn symud o Theatr Hafren i Faes Parcio Stryd Shortbridge ger Canol y Dref. Bydd yr uned sydd wedi'i hadleoli yn gallu cynnig apwyntiadau cerdded i fyny yn ogystal â gyrru i fyny. Bydd uned dros dro newydd hefyd yn agor yn Llanidloes ar ddydd Mercher 9 Rhagfyr.
Yna ar ddydd Gwener 11 Rhagfyr, bydd yr uned brofi yn Aberhonddu hefyd yn cael ei hehangu i gynnig apwyntiadau cerdded i fyny yn ogystal ag apwyntiadau gyrru i fyny. A bydd uned dros dro newydd yn agor yn Ystradgynlais ddydd Gwener 11 Rhagfyr.
Mae'r holl unedau profi ar gael trwy apwyntiad yn unig ar gyfer pobl â symptomau:
- Peswch parhaus newydd
- Tymheredd uchel (twymyn)
- Colled neu newid i arogl neu flas
Gellir bwcio apwyntiad yn yr unedau yn Aberhonddu, Llanidloes, y Drenewydd ac Ystradgynlais trwy borth bwcio cenedlaethol Llywodraeth y DU:
- Bwciwch ar-lein drwy www.gov.uk/get-coronavirus-test
- Bwciwch dros y ffôn ar 119
- Gall pobl ag anawsterau clyw neu leferydd gysylltu â 18001 119
Profi Lleol yn Llanfair-ym-muallt
Ochr yn ochr â'r pedair uned hyn sy'n rhan o'r rhaglen brofi genedlaethol ledled y DU, rydym hefyd yn gweithredu uned brofi leol yn Llanfair-ym-muallt.
Mae'n uned brofi leol hefyd ar gael trwy apwyntiad ar gyfer pobl â symptomau:
- Ffoniwch 01874 612228 (Llun-Gwener 09:00-17:00, Sad-Sul 10:00-15:00)
- E-bost powys.testing@wales.nhs.uk
Mae mwy o wybodaeth am brofion COVID-19 ym Mhowys ar gael ar ein gwefan drwy https://biap.gig.cymru/homepage-pop-up-cy/profi-coronafeirws/
Gyda'r Nadolig ar y gorwel mae'n hanfodol bod pawb yn dilyn y canllawiau cenedlaethol newydd a ddaeth i rym ar 4 Rhagfyr:
- Cyfyngu ar nifer y gwahanol bobl rydyn ni'n treulio amser gyda.
- Cyfyngu ar y nifer o weithiau rydyn ni'n gadael adref.
- Cyfyngu ar deithio cymaint â phosib.
- Gweithio gartref os gallwn.
- Cadwch bellter cymdeithasol, golchwch eich dwylo'n rheolaidd a gwisgwch fwgwd yn ôl yr angen.
Mae mwy o wybodaeth am bolisi ac arweiniad coronafeirws yng Nghymru ar gael ar wefan Llywodraeth Cymru:
Diogelu Cymru gyda'n gilydd