Diweddariad gan Gyd-bwyllgor Comisiynu GIG Cymru ar Adolygiad Y Gwasanaeth Adalw a Throsglwyddo Meddygol Brys (EMRTS)

Mae Cyd-bwyllgor Comisiynu GIG Cymru (CBCGC) wedi ymrwymo i wella gofal cleifion a gwella gwasanaethau ambiwlans ledled Cymru a dyna lle bu'n ystyried y cynnydd o ran gweithredu Argymhelliad 4 Adolygiad Gwasanaeth EMRTS yn ei gyfarfod y mis hwn.

Mae argymhelliad 4 yn canolbwyntio ar ddatblygu cynnig comisiynu ar gyfer gwasanaeth gofal gwell a/neu ofal critigol pwrpasol ar y ffyrdd mewn ardaloedd gwledig, anghysbell ac arfordirol. Mae'n mynd i'r afael â phryderon a godwyd yn ystod ymgysylltiad y cyhoedd ynghylch ymatebion ambiwlans ar gyfer cyflyrau nad oes angen gofal critigol arbenigol EMRTS cyn ysbyty arnynt.  Yn bwysig, mae'n ddatblygiad gwasanaeth brys ychwanegol a fydd yn gweithio fel rhan o'r gwasanaeth ambiwlans brys ac ochr yn ochr â'r gwasanaeth ambiwlans awyr ar gyfer y cymunedau gwledig, anghysbell ac arfordirol hyn.

Yn ei gyfarfod diweddaraf, adolygodd a thrafododd y Pwyllgor ganfyddiadau adroddiad Grŵp Gorchwyl a Gorffen Argymhelliad 4 a chymeradwyo drafft Bwriadau Comisiynu a meini prawf cyflawni.  Bydd y bwriadau comisiynu hyn nawr yn cael eu rhannu ag Ymddiriedolaeth Brifysgol GIG Gwasanaethau Ambiwlans Cymru i ddatblygu model cyflawni cynhwysfawr i'w ystyried mewn cyfarfod y CBC yn y dyfodol yn gynnar yn 2025.

Bydd unrhyw ymgysylltiad cyhoeddus yn dilyn unwaith y bydd y model cyflenwi manwl wedi'i nodi gan Ymddiriedolaeth GIG Gwasanaethau Ambiwlans Cymru i'w gymeradwyo gan y Pwyllgor. Mae'r CBCGC yn parhau i fod yn ymrwymedig i gydweithio ag Ymddiriedolaeth Brifysgol GIG Gwasanaethau Ambiwlans Cymru i sicrhau gwasanaethau ymatebol o ansawdd uchel sy'n diwallu anghenion cymunedau ledled Cymru.  

Cyhoeddwyd: 21/11/24