Gwasanaethau Deintyddol Cymunedol

Croeso i dudalen Gwasanaeth Deintyddol Cymunedol BIA Powys

Beth mae'r gwasanaeth yn ei ddarparu?

Rydym yn wasanaeth sy’n seiliedig ar atgyfeirio sy’n cwmpasu Powys, ac yn darparu’r driniaeth ddeintyddol ganlynol:

Tawelydd Deintyddol
Deintyddiaeth Pediatrig
Deintyddiaeth Gofal Arbennig
Ymweliadau cartref
Triniaeth Llawfeddygaeth y Geg
Triniaeth endodontig

Pwy all gael eu gweld gan y Gwasanaeth Deintyddol Cymunedol?

Gan fod hwn yn wasanaeth sy'n seiliedig ar atgyfeirio, mae'n rhaid i weithwyr gofal iechyd proffesiynol wneud atgyfeiriad.

Mae'r gwasanaeth yn darparu triniaeth ddeintyddol i grwpiau o oedolion a phlant sy'n agored i niwed, y mae'n bosibl na fydd eu hanghenion ychwanegol yn cael eu diwallu gan wasanaethau deintyddol cyffredinol y GIG. Gall yr anghenion ychwanegol hyn gynnwys (ond heb fod yn gyfyngedig i):

anableddau dysgu lluosog dwys, nam corfforol a/neu gyfathrebu
cyflyrau iechyd meddwl cronig cymedrol/difrifol gan gynnwys dementia
cyflyrau meddygol cymhleth
pryder deintyddol difrifol neu ffobiâu deintyddol
pobl sydd angen ymweliad cartref
pobl agored i niwed, er enghraifft digartref, ymfudwyr, ceiswyr lloches, ffoaduriaid
problemau caethiwed i gyffuriau neu alcohol

plant â phroblemau ymddygiad cymedrol neu ddifrifol
plant mewn angen ac yn destun cynllun amddiffyn plant ag anghenion ychwanegol neu gymhleth
plant sy’n derbyn gofal ag anghenion ychwanegol neu gymhleth
plant â chyflyrau deintyddol cymhleth eraill
plant nad ydynt yn gallu cofrestru gyda deintydd (sylwer pan fyddant yn 18 oed bydd angen iddynt gofrestru gydag ymarferydd deintyddol cyffredinol)
Triniaeth ddeintyddol gyffredinol i oedolion a phlant yn ein Clinigau Machynlleth a Llanfair ym Muallt

Pwy all gyfeirio at y Gwasanaeth Deintyddol Cymunedol?

Dim ond oddi wrth:

Ymarferwyr Deintyddol Cyffredinol trwy system e-atgyfeirio
Meddygon Teulu
Unrhyw weithiwr iechyd neu ofal cymdeithasol proffesiynol arall, gweithwyr gofal cymdeithasol a gweithwyr cartrefi gofal preswyl

Ble mae'r clinigau, a sut i gysylltu?

Gellir cysylltu â'n clinigau rhwng dydd Llun a dydd Gwener 8:45am - 5:00pm.

Mae ein hamseroedd clinig yn rhedeg o 9:30am - 4:00pm.

*Sylwer, nid yw’r holl wasanaethau a grybwyllir uchod yn cael eu darparu ym mhob safle – efallai y bydd gofyn i chi deithio yn dibynnu ar ba driniaeth sydd ei hangen arnoch*

Clinig Deintyddol Cymunedol Y Trallwng
Cyfeiriad: Salop Road, Y Trallwng, Powys SY21 7ER
Ffôn: 01938 553 161
Clinig Deintyddol Cymunedol y Drenewydd
Cyfeiriad: Stryd y Parc, Y Drenewydd, Powys. SY16 1EG
Ffôn: 01686 617 363
Clinig Deintyddol Cymunedol Machynlleth
Cyfeiriad: Forge Road, Machynlleth, Powys. SY20 8EQ
Ffôn: 01654 703 077
Clinig Deintyddol Cymunedol Llandrindod
Cyfeiriad: Ysbyty Llandrindod, Temple Street, Llandrindod, Powys. LD1 5HF
Ffôn: 01597 828 749
Clinig Deintyddol Cymunedol Llanfair-ym-Muallt,
Cyfeiriad: Canolfan Iechyd Glan Irfon, Love Lane, Llanfair ym Muallt, Powys. LD2 3DG
Ffôn: 01686 252 129
Clinig Deintyddol Cymunedol Aberhonddu
Cyfeiriad: Ysbyty Coffa Rhyfel Aberhonddu, Heol Cerrigcochion, Aberhonddu, Powys. LD3 7NS
Ffôn: 01874 615 640
Clinig Deintyddol Cymunedol Ystradgynlais
Cyfeiriad: Ysbyty Cymunedol Ystradgynlais, Ffordd Glanrhyd, Ystradgynlais, Powys. SA9 1AU Ffôn: 01639 846 449

Gyda phwy i gysylltu os oes angen deintydd arnoch?

Os oes angen help arnoch i ddod o hyd i Ymarferydd Deintyddol Cyffredinol, ffoniwch Linell Gymorth Deintyddol Powys ar 01686 252 808

Gyda phwy i gysylltu os oes gennych chi argyfwng deintyddol?

Os oes gennych chi argyfwng deintyddol ac nad oes gennych chi Ymarferydd Deintyddol Cyffredinol, ffoniwch GIG 111 yn ystod yr wythnos ac ar benwythnosau.