Cyngor a Chymorth yn ystod cyfnod y Galar Cenedlaethol

Yn dilyn cyhoeddi marwolaeth Ei Mawrhydi'r Frenhines Elizabeth II ar 8 Medi 2022, mae'r dudalen hon yn rhoi cyngor a chefnogaeth ddefnyddiol yn ystod y cyfnod hwn o alaru cenedlaethol.

Gwybodaeth am wasanaethau sydd yn cael eu darparu gan Fwrdd Iechyd Addysgu Powys

• Wythnos yn dechrau 12 Medi: Mae gwasanaethau'r byrddau iechyd yn gweithredu fel arfer. Mae eich apwyntiad gyda gwasanaethau Bwrdd Iechyd Addysgu Powys yn mynd ymlaen fel arfer oni bai eich bod yn cael eich cynghori fel arall.
• Dydd Llun 19 Medi (Gŵyl y Banc): Edrychwch ar ein tudalen we bwrpasol i gael manylion.
• O ddydd Mawrth 20 Medi ymlaen: Bydd gwasanaethau'r byrddau iechyd yn gweithredu yn ôl yr arfer o ddydd Mawrth 20 Medi.

Ffynonellau cyngor a chymorth mewn cyfnod o alar cenedlaethol

Bydd y cyhoeddiad am farwolaeth Ei Mawrhydi y Frenhines Elizabeth II ar 8 Medi 2022 yn effeithio ar bob un ohonom mewn gwahanol ffyrdd. Mae ffynonellau defnyddiol o gyngor a chymorth yn cynnwys:

• Gwasanaethau profedigaeth ac ymdopi â galar
• Help gyda meddyliau hunanladdol
• Cefnogaeth CBT Ar-lein SilverCloud

Teyrngedau a Choffáu

• Mae llyfrau cydymdeimlad ar agor ym Mhowys er mwyn i bobl gael talu teyrnged i'w Mawrhydi'r Frenhines Elizabeth II. Mae rhagor o wybodaeth ar gael ar wefan Cyngor Sir Powys. Mae llyfr cydymdeimlad ar-lein hefyd ar gael o wefan y Teulu Brenhinol.
• Gellir ystyried rhoi rhodd i un o elusennau a noddwyr niferus Ei Mawrhydi yn ffordd addas o dalu teyrnged i'w hetifeddiaeth. Darllenwch ragor o wybodaeth am sut y gallwch gwneud rhodd a rhestr o elusennau a noddwyr Ei Mawrhydi.
• Mae gwybodaeth am weithgareddau coffa a theyrnged eraill ym Mhowys ar gael o wefan Cyngor Sir Powys.
• Gwahoddir y cyhoedd i fod yn bresennol ar hyd y llwybr i groesawu'r Osgordd Frenhinol wrth iddynt nesáu at y Castell yn y prynhawn Gwener 16 Medi ac i godi llaw i ffarwelio wrth iddynt ymadael. Mae mwy o wybodaeth ar gael o wefan Cyngor Caerdydd.

Ffynonellau cyngor a gwybodaeth pellach

• Mae'r canllawiau diweddaraf gan Lywodraeth Cymru ar gyfnod y Galaru Cenedlaethol ar gael o'u gwefan. Mae hyn hefyd yn cynnwys canllawiau cenedlaethol ar faterion fel chwifio baneri a theyrngedau blodeuog. 
• Mae'r canllawiau diweddaraf gan Lywodraeth y DU ar gyfnod y Galaru Cenedlaethol ar gael o'u gwefan.
• Mae cyhoeddiadau swyddogol o'r Aelwyd Frenhinol ar gael o'u gwefan.