BIAP yn croesawu datblygiadau mewn Rhaglen Trawsnewid Ysbytai yn Amwythig a Telford
"Mae'r cyhoeddiad heddiw bod yr Achos Busnes Amlinellol ar gyfer Rhaglen Trawsnewid Ysbytai wedi'i gymeradwyo yn gam hanfodol ymlaen ar gyfer dyfodol gwasanaethau ysbyty acíwt diogel a chynaliadwy i'r rhanbarth.
"Mae ein cymunedau gwledig, yn enwedig yng Ngogledd Powys, yn parhau i fod yn ddibynnol ar Ymddiriedolaeth GIG Ysbyty Amwythig a Telford am ystod eang o wasanaethau brys a gwasanaethau wedi'u cynllunio, yn enwedig ar gyfer mynediad hanfodol i ofal achub bywyd. Rydym yn croesawu'r gydnabyddiaeth o hyn yn y gwaith parhaus gan yr Ymddiriedolaeth ar y Rhaglen Trawsnewid Ysbytai, ac yn argymhelliad Panel Ad-drefnu Annibynnol Llywodraeth y DU bod 'rhaid i anghenion gofal iechyd trigolion y canolbarth barhau i gael eu hystyried fel rhan o Raglen Trawsnewid Ysbytai Amwythig a Telford'.
"Rydym yn edrych ymlaen at barhau i weithio gyda'r Ymddiriedolaeth i ddatblygu'r Achos Busnes Llawn fel cam olaf y broses."
Hayley Thomas, Prif Weithredwr Dros Dro Bwrdd Iechyd Addysgu Powys.
Mae mwy o wybodaeth am adroddiad y Panel Ad-drefnu Annibynnol ar gael ar wefan Llywodraeth y DU
Rhyddhawyd: 05/01/2024