Diweddariad ar Adolygiad Gwasanaeth Adalw a Throsglwyddo Meddygol Brys (EMRTS).

Cyfarfu Bwrdd Bwrdd Iechyd Addysgu Powys ddydd Iau 11 Ebrill i drafod ac ystyried argymhellion wedi'u diweddaru gan Adolygiad Gwasanaeth Adalw a Throsglwyddo Meddygol Brys GIG Cymru.

Derbyniodd y Bwrdd yr achos dros newid ac roedd yn cydnabod pwysigrwydd hanfodol mynd i'r afael â lefel yr angen nas diwallwyd a nodwyd gan yr adolygiad, a hefyd i sicrhau bod y dull arfaethedig yn mynd i'r afael yn ddigonol â'r pryderon a godwyd gan breswylwyr a rhanddeiliaid gan gynnwys Llais, Corff Llais y Dinesydd dros iechyd a gofal yng Nghymru.

Cytunodd y Bwrdd bod angen rhagor o fanylion mewn perthynas ag Argymhelliad 4 ac nad oeddent mewn sefyllfa ar hyn o bryd i gefnogi'r argymhellion.

Mae'r saith bwrdd iechyd wedi cyfarfod i ystyried adolygiad EMRTS, a bydd eu barn benodol yn cael ei hystyried mewn cyfarfod cyhoeddus o Gyd-bwyllgor Comisiynu GIG Cymru ar 23 Ebrill 2024.

Y CBC yw’r pwyllgor cenedlaethol newydd sy’n disodli’r Pwyllgor Gwasanaethau Ambiwlans Brys, Pwyllgor Gwasanaethau Iechyd Arbenigol Cymru, a’r Uned Gomisiynu Cydweithredol Genedlaethol o 1 Ebrill.

Bydd agenda a phapurau cyfarfod y Cydbwyllgor Comisiynu (CBC) ar gael cyn y cyfarfod ar wefan y CBC.

12/4/24