Cyllid gan Gynghrair Cyfeillion yn darparu offer awdioleg newydd.
Diolch i gyllid gan Gynghrair Cyfeillion Ysbyty Cymunedol Tref-y-clawdd, gall cleifion yn yr ardal bellach gael rhai apwyntiadau profion clyw yn lleol yn hytrach na theithio.
Mae Cynghrair y Cyfeillion wedi darparu arian i alluogi Bwrdd Iechyd Addysgu Powys i brynu awdiometr ar gyfer Ysbyty Cymunedol Tref-y-clawdd. Offeryn a ddefnyddir i fesur lefelau clyw y awdiometr er mwyn canfod colled clyw a chreu presgripsiwn ar gyfer gosod cymorth clyw.
"Ers darparu'r offer, mae 121 o gleifion wedi gallu mynd i Ysbyty Cymuned Tref-y-clawdd ar gyfer eu prawf clyw, ac yna cafodd llawer o'r cleifion hyn eu cymorth clyw wedi'i osod yn lleol," meddai Rachel Duprey, Pennaeth Proffesiynol Awdioleg Bwrdd Iechyd Addysgu Powys.
Esboniodd Ms Duprey y gallai apwyntiadau cyntaf cleifion barhau yn ysbyty Llandrindod ond yna, yn dibynnu ar gyflwr y claf, gall y rhan fwyaf o apwyntiadau barhau yn Nhref-y-clawdd.
Susan Wilson yw Cadeirydd Cynghrair y Cyfeillion. Nododd: "Mae Cynghrair y Cyfeillion yn falch iawn o helpu fel hyn yn ogystal ag mewn prosiectau eraill i sicrhau gwaith parhaus Ysbyty Tref-y-clawdd, gan wasanaethu'r gymuned leol."
Mae'r gwasanaeth newydd hwn yn tanlinellu ymrwymiad y bwrdd iechyd i gynnal gwasanaethau yn yr ysbyty yn Nhref-y-clawdd. David Farnsworth yw Cyfarwyddwr Cynorthwyol Gwasanaethau Cymunedol y bwrdd iechyd: "Rydym yn gweithio'n galed i gynyddu nifer yr apwyntiadau cleifion allanol yn yr ysbyty fel y gallwn leihau'r angen am deithio - gan arbed amser ac arian i'n cleifion yn ogystal â lleihau allyriadau carbon.
"Yn ogystal â'r gwasanaeth awdioleg newydd hwn yn Nhref-y-clawdd, rydym hefyd yn cael ymweliadau rheolaidd gan dîm sgrinio llygaid retinopathi diabetig Iechyd Cyhoeddus Cymru."
Ychwanegodd Mr Farnsworth: "Mae Cynghrair y Cyfeillion hefyd wedi darparu cyllid ar gyfer datblygu gardd yr ysbyty a bwriedir i'r gwaith hwn fynd rhagddo eleni. Rydym yn wirioneddol ddiolchgar i'r gwirfoddolwyr hyn am y gwaith codi arian rhagorol y maen nhw wedi ei wneud."
Llun – Christina Regi o Dîm Awdioleg y bwrdd iechyd yn cael ei dangos yn gweithredu'r Awdiomedr.