Os oes gennych nam synhwyraidd a allai fod yn rhwystr i chi gymryd rhan lawn yn unrhyw un o’n gweithgareddau, rhowch wybod i ni drwy ffonio 01874 442 910 a byddwn yn gwneud trefniadau priodol.
Croeso i Wasanaeth Byw'n Dda Powys. Mae'r dudalen hon yn amlinellu rhai o'r opsiynau a allai eich helpu i reoli'ch cyflwr.
Rydym yn arbenigo mewn helpu pobl, fel chi, gyda phroblemau iechyd hirdymor. Gallwn eich helpu i reoli eich symptomau a gwella ansawdd eich bywyd.
Rydym yn deall nad oes unrhyw atebion syml a bod gan bawb eu set eu hunain o heriau. Byddwn yn gweithio gyda chi i ddatblygu dealltwriaeth o'r ffactorau sy'n cyfrannu, nodi rhwystrau a'ch helpu i ddod o hyd i ffyrdd o wneud newid cynaliadwy a fydd yn gwella eich iechyd, lles ac ansawdd bywyd. Eich bywyd chi ydyw ac rydym am i chi gael y wybodaeth a'r gefnogaeth sy'n sicrhau eich bod yn cael yr help sy'n cyd-fynd â'ch amgylchiadau penodol
Mae’r dudalen hon yn rhoi rhagor o wybodaeth am y gwasanaethau rydym yn eu cynnig a bydd yn eich helpu i benderfynu pa opsiwn(opsiynau) sy’n addas ar gyfer eich anghenion penodol. Cynhwysir hefyd wybodaeth am wasanaethau eraill sydd ar gael mewn mannau eraill, rhag ofn y teimlwch y gallai'r rhain fod yn fwy priodol.
Nod y dudalen hon yw ateb 3 chwestiwn:
1) Beth yw fy opsiynau?
Rydym wedi cynnwys ein hymyriadau, a'r rhai a ddarperir gan wasanaethau eraill. Nid yw’n rhestr gyflawn o bopeth a geisiwyd erioed i helpu pobl, ond mae’n cynnwys llawer o ddulliau a gefnogir gan dystiolaeth ymchwil.
2) Beth yw manteision ac anfanteision pob opsiwn?
Mae gan bob un o’r opsiynau a nodir yma y potensial i’ch helpu, ond nid oes un dull gweithredu cywir a fydd yn addas i bawb. Byddwn yn rhoi gwybodaeth i chi am bob dull i'ch helpu i ystyried beth allai fod yn iawn i chi.
3) Sut mae cael cymorth i wneud y penderfyniad cywir?
I gael gwybodaeth gyffredinol am y gwahanol opsiynau, ffoniwch 01874 442 910 (Llun i Gwener, 9am i 12 canol dydd) neu e-bostiwch PLWS@wales.nhs.uk
Os yw eich cwestiwn yn fwy penodol, gallwn drefnu i aelod o’r tîm clinigol eich ffonio’n ôl. Efallai y byddai asesiad llawn dros y ffôn, trwy gyfarfod fideo, neu wyneb yn wyneb yn fuddiol i ateb eich cwestiwn yn llawn.
Paratoi ar gyfer Ymgynghori Cychwynnol
Er mwyn cael y gorau o'ch apwyntiad ymgynghori cychwynnol gyda'r gwasanaeth rydym yn eich cynghori i ystyried yr hyn sydd bwysicaf i chi trwy nodi eich atebion i'r cwestiynau canlynol;
· Pa gymorth neu wybodaeth ydych chi ei eisiau?
· Beth yw'r pethau pwysig i chi allu eu gwneud mewn bywyd?
· Pa un o'r rhain yw'r pwysicaf?
Ffynonellau eraill o gyngor
Mae Cymdeithas Mudiadau Gwirfoddol Powys wedi llunio cronfa ddata ddefnyddiol iawn o wasanaethau a ddarperir gan sefydliadau gwirfoddol, elusennau, awdurdodau lleol a'r GIG. I ddarganfod mwy, ewch i http://cy.infoengine.cymru
Help i fynd ar-lein
Mae ein holl grwpiau yn cael eu rhedeg ar-lein ar hyn o bryd. Os ydych chi'n ansicr ynglŷn â mynd ar-lein gallwn ddarparu rhywfaint o help. Gallwn drefnu sesiynau un-i-un gydag un o’n Hwyluswyr Digidol a fydd yn eich arwain trwy gyrchu a defnyddio’r platfform ar-lein ac yn delio ag unrhyw gwestiynau neu bryderon sydd gennych.
Newidiadau effaith uchel i wella'ch iechyd a'ch lles
Rydyn ni i gyd yn rheoli ein hiechyd bob dydd, p'un a ydyn ni'n penderfynu cerdded i'r gwaith neu fwyta bar siocled, mae'r cyfan yn cael effaith ar ein hiechyd a'n lles. Dyma rai ymyriadau profedig i'ch helpu i wella'ch iechyd a'ch lles.
Rhoi'r gorau i ysmygu - Os ydych chi'n ysmygu, rhowch y gorau iddi! Dyma'r cam mwyaf effeithiol y gallwch ei gymryd i wella'ch iechyd ac iechyd y rhai o'ch cwmpas. I’ch helpu i roi’r gorau iddi gallwch ymweld â’ch meddyg teulu, eich fferyllydd neu gallwn eich cyfeirio at Dim Smygu Cymru. Am ragor o wybodaeth: Helpa Fi i Stopio Cymru
Gwnewch ymarfer corff yn rheolaidd
Cynnal pwysau iach a bwyta diet iach
Peidiwch ag yfed mwy na 14 uned o alcohol yr wythnos
Daliwch ati i ddysgu
Sylwch ar y byd o'ch cwmpas
Cysylltwch ag eraill yn eich cymuned trwy ymuno â grŵp lleol
Rhowch i eraill – gall hyn gynnwys rhoi eich amser fel gwirfoddolwr
neu cysylltwch â Thîm Iechyd Cyhoeddus Powys ar 01874 712 738
Os oes gennych nam ar y synhwyrau a allai fod yn rhwystr i chi gymryd rhan lawn yn unrhyw un o'n gweithgareddau, rhowch wybod i ni drwy ffonio 01874 442 910 a byddwn yn gwneud trefniadau priodol.
