Eich Gwasanaeth Cymorth Iechyd Meddwl Sylfaenol Lleol (LPMHSS)

Pwy mae LPMHSS yn eu cefnogi?

Mae Gwasanaethau Cymorth Iechyd Meddwl Sylfaenol Lleol ar gael ym Mhowys ar gyfer pobl o bob oedran. Mae’r gwasanaethau hyn ar gyfer pobl sy’n dioddef â phroblemau iechyd meddwl ysgafn i gymedrol, sefydlog, difrifol a pharhaus.

Mae’r LPMHSS yn wasanaeth nad yw’n ystyried oedran ac eithrio’r rheini dan 18 oed a fydd yn cael eu cyfeirio at eu Gwasanaeth Iechyd Meddwl Plant a’r Glasoed (CAMHS) lleol.

Oriau agor

Mae gan y LPMHSS oriau gweithredu craidd o 9:00am tan 5:00pm, o ddydd Llun i ddydd Gwener.

Sut i gael mynediad i’r gwasanaeth

I gael mynediad i’r gwasanaethau hyn, bydd angen atgyfeiriad arnoch chi gan weithiwr iechyd proffesiynol fel eich Meddyg Teulu neu Ymarferydd Iechyd Meddwl.

I gael mynediad i’r gwasanaethau hyn, cysylltwch â’ch meddyg teulu. Os nad ydych chi wedi cofrestru â meddyg teulu, gallwch chi barhau i ddefnyddio’r gwasanaethau hyn drwy ymweld ag unrhyw bractis meddyg teulu.

Beth i’w ddisgwyl

Mae’r LPMHSS yn darparu asesiadau iechyd meddwl sy’n canolbwyntio ar nodau a hefyd triniaeth drwy ymyriadau seicolegol tymor byr y gellir eu rhoi yn unigol neu mewn lleoliadau grŵp.

Mae’r LPMHSS hefyd yn rhoi cymorth a chyngor i Feddygon Teulu a gweithwyr gofal sylfaenol eraill ac i unigolion a’u gofalwyr am driniaeth a gofal, gan gynnwys yr opsiynau sydd ar gael iddyn nhw, yn ogystal â ‘chyfeirio’ at ffynonellau cymorth eraill (fel cymorth y mae sefydliadau’r trydydd sector yn eu darparu).

Ein Timau

LPMHSS Ystradgynlais

Ysbyty Ystradgynlais

Heol Glanrhyd

Ystradgynlais

Abertawe SA9 1AU

Ffôn: 01639 846 403

LPMHSS De Powys

Tŷ Cloc

Ysbyty Bronllys

Bronllys

LD30LU

Ffôn: 01874 712 525

LPMHSS Gogledd Powys

Fan Gorau

Ysbyty’r Drenewydd

Ffordd Llanfair

Y Drenewydd

SY16 2DW

Ffôn: 07779 548 447