Gwasanaethau Deintyddol
Mae'r dudalen hon yn darparu gwybodaeth am wasanaethau deintyddol gofal sylfaenol ym Mhowys.
Mae gwybodaeth am wasanaethau deintyddol brys ar gael trwy ffonio 111 GIG.
Mae gwybodaeth am wasanaeth deintyddol cymunedol Bwrdd Iechyd Addysgu Powys ar gael yn adran Gwasanaeth Deintyddol Cymunedol ein gwefan .
Gallwch hefyd chwilio am wasanaethau deintyddol y GIG ar wefan 111 GIG Cymru .
Sut i gyrchu gwasanaethau deintyddol y GIG ar gyfer triniaeth arferol
Os ydych eisoes wedi cofrestru gyda deintydd y GIG ac angen gwneud apwyntiad ar gyfer triniaeth arferol, cysylltwch â’ch practis deintyddol yn uniongyrchol.
Gallwch wneud cais am le ar-lein os:
- Nad ydych wedi cofrestru gyda deintydd y GIG ar hyn o bryd.
- A nad ydych chi wedi cael triniaeth ddeintyddol arferol y GIG yng Nghymru yn ystod y pedair blynedd diwethaf (Dylai eich practis deintyddol blaenorol allu cynnig apwyntiad i chi os ydych chi wedi cael triniaeth gyda nhw yn ystod y pedair blynedd diwethaf.).
- Ac ydych yn byw mewn cyfeiriad ym Mhowys am fwy na chwe mis y flwyddyn, neu wedi cofrestru gyda Meddyg Teulu ym Mhowys.
Darllenwch fwy am wneud cais am le gyda deintydd y GIG ar-lein drwy'r Porth Mynediad Deintyddol yma.
Sut i gael triniaeth ddeintyddol frys
Mae argyfwng deintyddol yn golygu bod angen cymorth brys arnoch ar gyfer problem ddifrifol yn eich ceg.
Gallai hyn gael ei achosi gan bethau fel haint neu anaf deintyddol.
Mae problemau deintyddol brys cyffredin yn cynnwys:
- poen difrifol yn y dannedd lle nad yw cyffuriau lleddfu poen wedi helpu
- gwaedu ar ôl tynnu dannedd
- chwyddo amlwg yn y gwddf neu’r wyneb
- dannedd wedi’u bwrw allan
Os ydych wedi cofrestru gyda deintydd y GIG, cysylltwch â’ch practis deintyddol yn uniongyrchol am apwyntiad brys.
Os nad ydych wedi cofrestru gyda deintydd y GIG, ffoniwch GIG 111 Cymru neu ewch i wefan GIG 111 Cymru i gael rhagor o wybodaeth.
Defnyddiwch y blwch chwilio isod i ddod o hyd i wasanaethau deintyddol yn agos atoch chi.